ဇောင်း နှင့် ပီယဆေးလုပွဲ

       ဒီနေ့တော့  ကျောင်းတွေပိတ်တာနဲ့ ပျင်းပျင်းနဲ့ အဘတို့အိမ်ဘက်ထွက်ခဲ့တာပေါ့။  အဘတို့အိမ်ရောက်တော့အဘကိုမတွေ့ဘူး။ ဒါနဲ့ဘဲ
   " ဒေါ်လေးရေ......အဘရော "
   " ဟဲ့....နင့်အဘ ဘုရားခန်းမှာ ဆေးဖေါ်ဖို့လုပ်နေတယ်  သွားကူလိုက်အုံး "
ဒါနဲ့ဘဲကျွန်တော်လဲ အိမ်ပေါ်ထပ်တက်သွားပြီး အဘနားသွားထိုက်လိုက်တယ်။ အဘက
   " သား..မင်းဒီည အဘနဲ့လိုက်မလား..ရွာထိပ်က သင်္ချိုင်းကို"
  "ဘာသွားလုပ်မှာလဲ အဘရဲ့"
  " ပီယဆေးဖေါ်မလို့ ပစ္စည်းတခုလိုနေတာ သွားယူမလို့  "
 " အင်း...ဒါဆိုလဲလိုက်ခဲ့မယ် "
ဒါနဲ့ဘဲ အဘကို  ကူလုပ်စရာရှိတာကူလုပ်ပေးပြီး ညနေကြတော့ အဘအိမ်မှာဘဲထမင်းစားပြီး အဘသွားမယ့်အချိန်ကို ဆောင့်ရင်း ဒေါ်လေးနဲ့လေကန်နေလိုက်တယ်။ ည (၁၁) နာရီလောက်ကြတော့ အဘက သူ့တပည့်(၂)ယောက်နဲ့ကျွန်တော့်ကိုခေါ်ပြီး ရွာသင်္ချိုင်းကို ချီတက်ကြတာပေါ့။ ဟိုလဲရောက်ရော အဘက ဘာညာသတကာတွေမန်းမှုတ်ပြီး စည်းဝိုင်းတား ကျွန်တော်တို့ကို အဲ့မှာထိုင်ခိုင်းပြီး
 " မင်းတို့..တယောက်မှမထနဲ့နော် ညိမ်ညိမ်နေကြ "
  ကျွန်တော်တို့လဲအဘမှာတဲ့အတိုင်းပေါ့ တုတ်တုတ်မျှမလှုပ်ဘဲ ထိုင်နေကြရတယ်။ အဲ့အချိန်မှာဘဲ အဘက  နေလည်ကမှ ကားမှောက်လို့သေထားတဲ့ အပျိုကြီး ဒေါ်တင်မြ အလောင်းကိုဖေါ်ပါတော့တယ်။ အလောင်းလဲပေါ်ရော အဲပအလောင်းကို ဖုတ်သွင်းတော့တာပေါ့။ မကြာပါဘူး အလောင်းကောင်ကြီးက ထလာပါတော့တယ်။ ညောင်ပင်ပေါ်က  ညငှက်တွေကလဲအော် ရွာဘက်က ခွေးတွေကလဲ အူနဲ့ (၃)သား အသားတွေတုန်နေကြတာ ဘာပြောကောင်းမလဲ ထပြေးချင်စိတ်တွေပေါက်လာတယ်။ ဒါကိုသိတဲပအဘက
"  ဟေ့ကောင်တွေ ညိမ်ညိမ်နေကြငါလာပြီ " ဆိုပြီး ကြိုတချောင်းနဲ့ တုတ်တချောင်းယူလာပြီး ကျွန်တော်တို့ကိုလက်တွေကြိုချီပြီး ငုတ်မှာချီထားခဲ့ပြီး သူလုပ်စရာရှိတာဆက်လုပ်နေပါတယ်။ ကျွန်တော်တို့လဲ သူဘာလုပ်မလဲလို့ ကြောက်ကြောက်နဲ့ကြည့်နေရတယ်။ ပြေးလို့ကလဲမရတော့ဘူးလေ။ ဒီလိုနဲ့ အဘက အဲ့လူသေကောင်စီကို ကျောက်ပျဉ်ရယ် သနခါးတုံးရယ် ယူသွားပါတယ်။ ပြီးတော့
 " ဟဲ့..တင်မြ  ထစမ်း ငါ့စီက ကျောက်ပျဉ်နဲ့သနခါးတုံးလာယူ "
အဲ့လိုလဲပြောလိုက်ရော လူသေကောင်ကြီးကထလာပြီး အဘစီကပစ္စည်းတွေလာယူပါတော့တယ်။ အဘက
"  အဲ့မှာ  သနခါးသွေးစမ်း"
လူသေကောင်ကြီးက သူစီကကြလာတဲ့သွေးတွေလိုလိုဘာလိုလို အရည်တွေနဲ့ ကျောက်ပျဉ်ပေါ်သုတ်ပြီးသွေးပါတော့တယ်။ သနခါးတွေတော်တော်လေးများလာတော့အဘက
 " အဲ့ဒီသနခါးတွေ နင့်မျက်နှာမှာလူးလိုက်စမ်း "
လူသေကောင်ကလဲအဘခိုင်းတဲ့အတိုင်းတသွေမတိမ်းလိုက်လုပ်နေပါတယ်။ အဲ ...အဲ့မှာ ပြဿနာကစတော့တာပါဘဲ။
" တင်မြ နင်လူးထားတဲပသနခါးတွေ ဒီလက်ကိုင်ပဝါထဲ ချစ်ချပေးစမ်း "
အဘကအဲ့လိုလဲပြောလိုက်ရော အသေကောင်က မပေးဘူးလုပ်ပါလေရော။အဘဘယ်လိုဘဲပြောပြော မရတော့ပါဘူး။ အဘကအတင်းဝင်ပြီးလုချစ်ချတယ်။ မရဘူး။ နောက်တော့အဘက ကျွန်တော်တို့ကို ကြိုဖြေပေးပြီး
"  ကဲ  မင်းတို့တွေ ငါကပြေးဆိုတာနဲ့  နောက်ကိုလုံးဝ လှည့်မကြည့်နဲ့ အိမ်ရောက်အောင်ပြေး လှည့်ကြည့်ရင်တော့ မင်းတို့ အသက် ငါပြန်လုရတော့မှာ  ကြားလား "
ကျွန်တော်တို့လဲ ဖိနပ်တွေခါးကြားထိုး ပုဆိုကိုဂွင်းသိုင်းပြီးပြေးဖို့ပြင်ကြပါတော့တယ်။ကျွန်တော်တို့ကိုပြောပြီး အဘက သူ့ပုဆိုကိုချွတ်ပြီး ပုဆိုကွင်းထဲမှာသူလဲဝင် သူရဲမလဲဝင်ခိုင်းပြီး သူရဲမပါးက သနခါးကို အတင်းဝင်လုပါတော့တယ်။ သူရဲမကလဲရုန်း အဘကလဲလုနဲ့ပေါ့။နောက်တော့အဘက သူလိုချင်သလောက်လဲရရော
" ဟေ့ကောင်တွေပြေး....ပြေး......."
 ဘာပြောကောင်းမလဲ နောက်ကြတဲ့ခြေထောက်သစ္စာဖေါက်ကွ ဆိုပြီးပြေးလိုက်ကြတာ ရွာထိပ်ရောက်လာကြတော့တာပေါ့။ နေက်ကလဲ သရဲမက သူသနခါးပြန်ပေးဖို့ ဘယ်လိုအသံကြီးမှန်းမသိနဲ့အော်လိုက်လာတာ ခေါင်းတွေတောင်ကြီးကြီးလာသလိုဘဲ။ ရွာထိပ်ညောင်ပင်လဲရောက်ရောအဘက  ညောင်ပင်ကနတ်စင်မှာရပ်ပြီး  ဘာတွေပြောတယ်မသိဘူး။ တွတ်တွတ်တွတ်နဲ့ ပြောပြီး
" ကဲ  ရပြီကောင်တွေ သူရဲမကိုကြည့်လိုက်"
လူတွေကပြေးရလို့ဒူးတွေကတုန် မောကလဲမောနဲ့ သရဲမှလှည့်ကြည့်လိုက်တော့
အားလားလား...သူတယောက်ထဲမှမဟုတ်တော့တာဘဲဗျ။ နဲတဲ့အကောင်တွေမဟုတ်ဘူး လိုက်လာကြတာ။ဒါပေမယ့် ရွာထိပ်က ညောင်ပင်ရောက်တော့ အကုန်လန်ပြီးပြောက်ကုန်ကြတယ်။  သူတို့ပြောက်မှာ  ကျွန်တော်တို့လဲအိမ်ပြန်လာကြတယ်။ အိမ်ရောက်တော့အဘက
" ကဲ ..မင်းတို့ပြောပြောနေတဲ့ ပီယဆေး (ဆော်ကြည်ဆေး) ဘယ်လိုယူရလဲတွေ့ပလား "
"  ဒါတောင်ဒီတမျိုးထဲရှိသေးတာ ကျန်တာတွေရှိသေးတယ်  တာက်ုငါတို့လောကက မျက်နှာပွင့်ဆေးလို့ဘဲခေါ်တယ်..ဒါကြောင့်တော်တန် ဘယ်သူမှမပေးဘူး မကောင်းတဲ့နေရာမှာသုံးလိုက်ကြရင် အမျိုးကောင်းသမီးလေးတွေအတွက် ရင်လေးစရာဖြစ်ကုန်မှာဆိုးလို့ကွ မှတ်ထားကြ ကြားလား..နောက်တခါငါ့စီ  ပီယဆေးလာတောင်းတဲ့ကောင် သေဖို့သာပြင် " အဲ့လိုပြောပြီးဘုရားခန်းမှာသူဘာသာဆေးစီရင်နေပါတော့တယ်။